Waheed Zafar Qasmi - Kiya Khabar Kiya Saza

Kya khabar kiya saza mujh ko milti

Meray Aqa(S.A.W) nay izzat bachali.

Farde isiyan meri mujh se lay kar

Kali Kamli mein Apni(S.A.W) chupali.

Woh (S.A.W) aata par ata karne wale

Aur hum bhi nahin talne wale.

Jaisi deodi hai waise bhikari

Jaisa Data hain waisay sawali.

Mein ghada hoon magar kis kay dar ka

Woh jo Sultan-e-Kono Makan (S.A.W) Hain.

Yeh Ghulami badi mustanad hai

Mere sar par hai taj-e-Bilali.

Mein Madinay say kya agaya hun

Zindagi jaise bujh si gai hai.

Ghar ke andar faza soni soni

Ghar key baher sama khali khali.

Meri Umr-e-Rawan bus thehar jaa

Ab safar ki zuroorat nahin hai.

Unke (S.A.W) qadmoun mein meri jabeen hai

Aur hathoun mein Rozay ki Jali.

Mein faqat naam lewa houn Unka (S.A.W)

Unki(S.A.W) tauseef mein kya karoonga

Mein na Iqbal (Allama Sir Muhammad Iqbal), Qusro (Amir Khusro) na Saadi

Mein na Qudsi na Jami na Hali.

Kya Khaber kya saza mujhko milti

Mere Aqa (S.A.W) ne Izzat bachali.

  • Waheed Zafar Qasmi other songs
  • Lyrics Search
  • Home Page